Na Kalou e basika saraga mai vaka Tamata ena vuravura eda Bula tiko kina me mai bula vata voli kei keda na tamata . ( Joni 1: 1 - 12 ).
Nai Naki ni nona lako mai ena vuravura qoka :
Joni 3: 16 - 17, E sikovi keda mai na tamata eda mate, ka lutu mai ena nona i serau ( Vakatekivu 3, Efeso 2: 1 - 6 ).
Vuqa na gauna eda lecaika taka tu na dina levu qoka ka eda mai vaka yayamo voli tu ena dua na gauna balavu ni noda bula ka eda sega tu ni kila ni lomani keda tuna Kalou ka sa mai mate oti ko koya me bokoci kina nodai valavala ca ( 2 Corinthians 5: 21 ).
Na cava e dodonu meda cakava na tamata nida kila na dina levu oqo ?
Na Kalou e gadreva meda ciqoma na nonai solisoli ni loloma cecere duadua ( Roma 6: 23 ). E solia wale ga mai vakailoloma vei keda na Kalou na nona loloma kei na bula e tawa mudu ena vuku ni luvena ko Jisu Karisito. Sa nodai tavi ga na tamata meda vakabauta ena vu ni yaloda na veika e a mai vakayacora ena vuravura qoka kei na kauveilata ena ulunivanua ko Kalivari ena nona mate kei na Nona tu cake tale ena yaco vei keda na bula, na vakacegu kei na veisereki ( Roma 10: 8 - 11 ).
Ko Karisito Jisu na Sala , na Vu ni Bula, na vu ni Dina kei na Rarama ena vuravura qoka. Ni dua na tamata e sa mai kunei koya ka ciqomi koya ena yaco vua na bula kei na veituberi ki na rarama ni bula e sereki vakaidina ( Joni 14: 6, Joni 8: 12 ). Kokoya na sala ni vakacegu dina kei na kalougata dina ni bula ni tamata ena vuravura qoka.
Ko koya e mata ni wai e tovure ki na bula e tawamudu ( Joni 4 : 1 - 14 ).
Na cava e dodonu me vakayacora edua na tamata ni sa gadreva na bula e solia wale tikoga vakai loloma na Kalou ?
Sa dodonu meda veivutuni ka sucu vou ena matanitu ni Kalou ( Joni 3 ).
1. Vakabauta na Nonai tukutuku.
2. Vakatusa ka biuta na nomu bula makawa kei nai valavala tawa kilikili ena mata ni Kalou.
3. Ciqomi Jisu Karisito ena vu ni yalomu me nomui Vakabula ka Turaga talega ni nomu Bula.
Oqo e cakacaka vakayalo ka cakava na Yalo Tabù ni KAlou ena dua na bula ni tamata sa kalawa mai ena vakabauta me mai qaravi koya.
Sa lako tani mai na butobuto ni bula kei vuravura ka sa mai bula vua na Kalou ena veisiga yadua kece sara ni nona bula. Sa Turaga ni nona bula ko Jisu Karisito. Sa yaco me Rai na matada vakayalo ka sa Veisau mai vakamalua nai tovo ni bula kei na vakasama ( 2 Koronica 5: 17 ).
Sa noqu masu niko sa wilikia oti nai vakasala kei na dina e tusanaki tiko enai tukutuku vinaka oqo, mo sa kalawa sarà mai vei Jisu Karisito me yaco vei iko na bula e kalougata. E solia saraga vei iko ko koya na Nona bula, na bula vou kei na vakacegu, reti kei na qaqa.
Sa yaco mo sa luve ni Kalou.
Kalougata tiko.
